[vosidees.lu] Commentaires sur Méisproochegkeet bei Staat a Gemeng

"Méisproochegkeet bei Staat a Gemeng": commenté par Fred K.

Fred K. — Wed, 26 Nov 2014 22:09:24 +0100

Merci fir d'Äntwert.
Ass et méiglech eng generell Ufro ze maachen fir all Formulairen, Pabeieren, Informatiounen an Rechnungen vun Gemeng an Staat, (+ Schoul, Klinik, Lycee, Post?, ...) op däitsch oder letzebuergesch ze kréien?

"Méisproochegkeet bei Staat a Gemeng": commenté par L'équipe de Vos Idées

L'équipe de Vos Idées — Mon, 10 Nov 2014 09:47:00 +0100

Bonjour!

Merci fir Äre Bäitrag.

D'Regierung ass der Meenung, dass et keng administrativ Vereinfachung wier wann d'office all staatlech Bréiwer resp. Dokumenter an 3 Sproochen ugebuede ginn. Elo schonn ass et jo och esou, dass een ëmmer an där Sprooch eng Äntwert vum Staat resp. der Gemeng kritt, an där een eng Demande un d'Verwaltung adresséiert huet.

Mat beschte Gréiss,

D'Equipe vu vosidees.lu

"Méisproochegkeet bei Staat a Gemeng": commenté par Fred K.

Fred K. — Fri, 07 Nov 2014 11:48:56 +0100

Un de Serge C.

Ech ginn jo awer dovun aus dass d'simplification administrative do ass fir d'Liewen vun den Awunner an vun de Betrieber ze vereinfachen an net vun de Beamten an vun den Administratiounen.

Fir vill Awunner wier et eng grouss Vereinfachung wann d'Internetsäiten an d'Bréiwer alleguer d'office och op däitsch oder lëtzebuergesch wieren.

"Méisproochegkeet bei Staat a Gemeng": commenté par Serge C.

Serge C. — Thu, 06 Nov 2014 18:13:06 +0100

Wann Dir haut op enger vun deenen 3 administrative Sproochen eng Demande un eng Verwaltung adresséiert muss d'Äntwert am Prinzip an der selwechter Sprooch gemaach ginn.
Fir elo d'Office alles 3 Sproocheg ze beäntwerten ass wuel kaum am Sënn vunn enger simplification administrative.